Draumen, tankane og vegen dit!

Sommerfuggel i vinterland

2012-01-30T22:39:00.002+01:00

Dokke har nok allereie høyrt den, men eg må berre blogge den likevel.

Eg er veldig glad i originalversjonen til Halvdan Sivertsen,

men Vinni sin versjon tok verkeleg pusten frå meg!

Lytt og nyt!! :)

Og du ga mæ et smil

Sommerfuggel i vinterland

Ingen får ta fra dæ

Fargan du viste mæ

Og må drømmen du har bli sann

Sommerfuggel i vinterland

Sporty Søndag :)

2012-01-15T18:23:00.000+01:00

Applaus til Tonje,

som fekk meg ut av sofa'n og opp på Fløyen,

denne flotte søndags-ettermiddagen.

Ein herleg, frisk tur med meget godt selskap og gode samtalar! :)

Kreativ torsdag :)

2012-01-12T22:33:00.000+01:00

Eg har lenge ønska meg eit sånn stativ til å henge opp smykke og øredobbar på. Og så dukka det opp ein ide: eg kunne jo lage meg eit sjølv. Tidlegare i haust lagde eg meg ei oppslags/bildetavle av hønsenetting. Og eg har hatt liggande nokon restar av nettingen eg ikkje brukte. Og av den vart det då eit heimesnikra smykkestativ alá Anne Severine :)

Livet i bokhylla

2012-01-12T18:05:00.000+01:00

Rekker med ord

Slitne ryggar...

...slitne ark

Lappa saman med kjærleik

Lest om igjen og om igjen

Merka for å finne igjen

Streka i for å bli hugsa

I bøkene finn eg:

24. Desember og gebursdagen vi har venta på!:)

2011-12-24T00:00:00.000+01:00

Då er dagen her. Julafta. Bordet er dekka og det luktar godt av ribbe(altså pinnekjøt for dei som skulle tru noke anna) og kålrabistappe. Gåvene er pakka inn og lagt under treet. Julemusikken spelar i radioen. Snøven ligg kvit(i alle fall her). Treet står pynta.

Det er ein dag for tradisjonar.

Og viktigast av alt, det er gebursdagen til Jesus, Guds son, vår frelsar! :)

Juleevangeliet (Lukas 2:1-20)

I dei dagane lét keisar Augustus lysa ut at det skulle takast manntal over heile verda. Dette var første gongen dei tok manntal, og det hende medan Kvirinius var landshovding i Syria. Då fór alle heim, kvar til sin by, og skulle skriva seg i manntalet.

Også Josef drog då frå byen Nasaret i Galilea og opp til Judea, til Davidsbyen, som heiter Betlehem, for han høyrde til Davids hus og ætt og skulle skriva seg der saman med Maria, som var lova bort til han. Ho venta då barn. Og medan dei var der, kom tida då ho skulle føda, og ho fekk son sin, den førstefødde. Ho sveipte han og la han i ei krubbe, for det var ikkje husrom for dei.

Det var nokre gjetarar der i området som var ute på marka og heldt vakt over flokken sin om natta. Med eitt stod ein Herrens engel framfor dei, og Herrens herlegdom lyste kringom dei. Då vart dei gripne av stor redsle. Men engelen sa til dei: «Ver ikkje redde! Sjå, eg kjem til dykk med bod om ei stor glede, ei glede for heile folket: I dag er det fødd dykk ein frelsar i Davids by. Han er Messias, Herren. Og det skal de ha til teikn: De skal finna eit barn som er sveipt og ligg i ei krubbe.» Brått var det ein stor himmelhær saman med engelen; dei lova Gud og song:

«Ære vere Gud i det høgste,

og fred på jorda

blant menneske Gud har glede i!»

Då englane hadde fare attende til himmelen, sa gjetarane til kvarandre: «Lat oss gå inn til Betlehem og sjå dette som har hendt, det som Herren har kunngjort for oss.» Så skunda dei seg dit og fann Maria og Josef og det vesle barnet som låg i krubba. Då dei fekk sjå det, fortalte dei alt som hadde vorte sagt dei om dette barnet. Alle som høyrde på, undra seg over det gjetarane fortalde. Men Maria gøymde alt dette i hjartet sitt og grunda på det. Og gjetarane vende attende. Dei lova og prisa Gud for alt dei hadde høyrt og sett; alt var slik som det var sagt dei.

Eg ynskjer alle mine kjære lesarar

ein nydeleg og velsigna julekveld!
God jul :)

16. Desember og fredag :)

2011-12-16T20:13:00.000+01:00

Mmmmmm!

Tusen takk for herleg fredags-pizza,

Jon Axel og Oddbjørg :)

15. Desember og (nye) juletradisjonar :)

2011-12-15T20:02:00.000+01:00

For eit par år sidan kjøpte mamma Oliver Twist på DVD. Vi brukte juledagane til å sjå heile serien. Og suksessen vart gjenteken i fjor jul, då hadde ho kjøpte inn to DVD-boksar med fleire seriar av Charles Dickens.

Jula i fjor var litt annleis enn tidlegare, sidan det berre var eg av søskena heime. På Julekvelden satte difor mamma, pappa og eg oss godt til rette i sofaen og såg film i lag. Utruleg koseleg! :)

Eg nemde i eit tidlegare innlegg at eg er veldig glad i tradisjonar. Dette gjeld både dei gamle og dei "nyare" tradisjonane. Denne jula er det mellom anna Johan Barnevandrer som står på programmet, men kanskje ikkje akkurat på julekvelden, den vert nok meir tradisjonell på gamalt vis i år. :)

Har du nokon juletradisjonar du gler deg spesielt til? :)

Jula 2010 :)

14. Desember og "I'm driving home for Christmas" :)

2011-12-14T00:00:00.000+01:00

Etter eit par herlege dagar på besøk Heime hos Osens,

sett eg meg på bussen igjen. Denne gong i retning Sunnmøre,

der resten av juleferien skal tilbringast. :)

12. Desember og når nettene blir lange og kulda setter inn... :)

2011-12-12T00:00:00.001+01:00

...er det godt å sitte inne...

...med ein kopp te, eit varmt pledd og ei god bok. :)

11. Desember og juleminner :)

2011-12-11T00:00:00.001+01:00

Då eg var lita, fekk eg ei dukkevogn til jul.

Det var stas :)

Og eg måtte strekke meg for å nå opp til juletrepynten :)

10. Desember og ei bokanbefaling for dei minste :)

2011-12-10T00:00:00.000+01:00

Den første julen

av: Ander og Birgitta Johansson

Frå bokomslaget:

Denne boken forteller om røverjenta Lea, og de mennesker hun møter i Betlehem den tiden da Jesus ble født. Det er både spennende og interessante ting Lea kommer ut for, og hun får oppleve noe helt spesielt i stallen hun har gjort i stand. Boken bygger på Bibelens fortelling om Jesu fødsel.

Denne boka er eit kjært barndomsminne for meg. Den er delt opp i 24 kapittel og kan fint brukast som ein julekalendar fram til jul. Framleis tek eg meg sjølv i å lese den i juletider, ofte eit kapittel om dagen. :)

9. Desember (II) og eit bittelite hjartesukk...

2011-12-09T17:31:00.001+01:00

I dag var eg på julehandel, men eg måtte til slutt berre gå heim. Kjøpesenter i desse tider er rett og slett kaotiske og utmattande...

9. Desember og julekuler :)

2011-12-09T00:00:00.000+01:00

Eg har for det meste lyse fargar her på Loftet mitt.

Og desse julekulene, som eg kjøpte hos "Søstrene Grene",

vart difor eit lett val når eg skulle pynte til jul. :)

8. Desember og pakke i posten :)

2011-12-08T00:00:00.000+01:00

For eit par dagar sidan fekk eg ein pakke i posten.

Min snille mamma hadde sendt meg sjokolade frå Geiranger Sjokolade,

der eg jobba i sommar. Nam nam! :)

Eg fann og ein annan liten overraskelse, ein skrapelodd-julekalendar!

Tusen takk for pakke, kjære Mamma'n min! :)

7. Desember og ei bokanbefaling :)

2011-12-07T00:07:00.001+01:00

Dei fleste har høyrt om dei tre vise menn.

Men denne boka er forteljinga om...

Den fjerde vismann

Av: Henry Van Dyke

Frå bokomslaget:

Den fjerde vismann er en vakker legende, skrevet på slutten av 1800-tallet av den amerikanske presten og litteraturprofessoren Henry Van Dyke. Den ble første gang fremført ved en juledagsgudstjeneste i New York. Fortellingen er i slekt med Tolstojs fortelling om den fattige skomakeren.

Den fjerde vismann kom aldri frem til den nye kongen.

Alltid kom det noe i veien - da han skulle legge ut på reisen, da han skulle nå igjen de som var dratt i forveien, da han nesten var ved målet.

Kostbarhetene han hadde samlet, forsvant. Hele tiden var det noen som trengte hans hjelp. Men tapene vendte til seier. Uten å vite det, hadde han funnet den største skatten...

Ei vakker forteljing eg anbefalar på det varmaste! :)

6. Desember og julebakst :)

2011-12-06T02:41:00.001+01:00

I går hadde eg ein herleg og roleg bakedag :)

Sleit litt med å bestemme meg for kva eg skulle lage, men enda på Brune Pinnar.

Og resultatet vart ikkje så verst (...om eg kan seie det sjølv?) :)

Eg ser ein del kjem inn på dette innlegget etter å ha googla "julekaker",

så her er oppskrifta eg brukte - dersom nokon er på jakt etter den.

Brune Pinnar (Sjokoladestenger):

Du treng:

200 gr smør

200 gr brunt sukker

1 eggeplomme

1 ss sirup

1 ts vaniljesukker

1 ts natron

ca 300 gr kveitemjøl

4 ss kakao

2 ts kanel

(og ev. 1 eggekvite og perlesukker eller hakka mandlar til pynt.)

Framgansmåte:

Rør smør og sukker til det skummar.

Tilsett resten og rør saman.

Del i tre, rull ut,

legg på steikeplate(m/bakepapir) og trykk ut.

Om ein ønsker kan ein pensle med litt eggekvite

og strø på perlesukker eller hakka mandlar.

Steikast på 175 grader i ca 10-12 minutt.

Eg likar dei best når dei er litt mjuke i midten.

Skjær dei forsiktig på skrå medan dei enda er varme.

5. Desember og snøv i Bergen by :)

2011-12-05T19:25:00.001+01:00

Då eg vakna i dag fekk eg sjå at vindauga var kvite...

og eg fekk gå på knasande, herleg, kvit snøv ute:)

4. Desember og julefilmar :)

2011-12-04T22:39:00.001+01:00

Ein ting eg likar med jul, er at då kan eg sjå Tre nøtter til Askepott. Som dei fleste andre norske jenter, har eg vokse opp med å sjå denne filmen kvar julafta så lenge eg kan huske. Og for å vere på den sikre sida, i tilfelle eg skulle vere oppteken rundt kl 10-12 på julafta, har eg skaffa meg DVD'en. Ellers blir det mange andre kjekke filmar i jula, Reisen til julestjernen, Polarekspressen, Den første snøen osv. Eg likar tradisjonar eg :)

3. Desember og julemusikk :)

2011-12-03T18:41:00.001+01:00

Viskar en bön

Artist: Peter Jöback

Text: Mauro Scocco
Musik: Peter Hallström

Allting gnistrar allt är tyst
över vita gator som snön har kysst
barnen leker på bakgården
allt andas förväntan i vinternatten

Och stjärnorna glittrar
på himlens rund
hela livet ryms
i just denna stund

Åh jag viskar en bön inatt
för dom som inget har
för dom som gick in i natten
utan att hitta tillbaks
Jag viskar en bön inatt
för alla dom som väntar
för dom som har tappat hopp
för alla därute som längtar

Alla sover nu, alla utom jag
jag hör änglars steg på vårat tak
vi har haft sån tur, så många goda år
så många chanser som en människa kan få

Och mitt hjärta fylls
av stillhet och frid
något tändes inatt
som räcker ett liv

Åh jag viskar en bön inatt
för dom som inget har
för dom som gick in i natten
utan att hitta tillbaks
Jag viskar en bön inatt
för alla dom som väntar
för dom som har tappat hopp
för alla därute som längtar

Så viskar jag en bön

2. Desember og vaksne born :)

2011-12-02T23:16:00.001+01:00

Det er Desember og det er tid for å finne barnet i seg :)

Her på Loftet går det i Amalies jul på DVD og Blåfjell på NRK1.

1. Desember og Juleferie!! :D

2011-12-01T23:58:00.001+01:00

Hurra for Juleferie!!!

Eg begynte min i går med ein tur i Peparkakebyen :)

Anbefalast! :)

Ein liten bjørn i skogen :)

2011-11-24T15:26:00.001+01:00

Eg er veldig glad i sitat. Veldig, veldig glad i sitat. Korte, velfomulerte, vise, morosame, kloke, tankevekkande, vakre, triste, ja i det heile, setningar fulle av dekorerande ord. Ei side eg er innom ganske ofte, er difor ordtak.no. Her finn du det meste. Alt frå latter til tårer, og nokon gongar begge deler i same setning. Mange timar har gått med til surfing inne på den sida.. :)

Men for tida er det ein liten bjørn som har fanga oppmerksamheita mi. Ein liten bjørn som seier han har lite forstand, men du og du så mange kloke ord han har! Så her er nokre av mine favorittar frå vår vesle venn: Ole Brumm :) (Ole Brumm har og si eiga sitat-side på Facebook på norsk;)

---

"Vennlighet er som honning

- den er best når den deles med venner."

Ole Brumm tittet ut at vinduet og smilte. Han hadde ingen spesiell grunn til å smile. Det var bare det at munnen føltes mye bedre når den vendte oppover enn når den vendte nedover.

Nasse Nøff og Ole Brumm gikk en tur i butikken. Der fant Nasse det vakreste hjerte,laget av gull. Så sa Nasse: "ååhh hadde jeg hatt nok penger til å kjøpe dette hjerte, vil jeg ha kjøpt det til deg min venn" Ole Brumm tittet ned på sin venn med tårer i øyene og sa: "Ingen hjerte av det vakreste gull, ville ha erstattet ditt Nasse min venn, fordi uten ditt hjerte, vet jeg ikke hva rikdom er"

"Hvordan staver man kjærlighet?" spurte Nasse Nøff.
"Man staver ikke kjærlighet, man føler den," svarte Ole Brumm.

" Jo mer man tenker, jo mer innser man at det ikke finnes noen enkelt svar."

“Hva er galt med å vite hva du vet nå og å ikke vite hva du ikke vet nå før senere?”

Trykk på biletet for å sjå det i større storleik :)

Klar for advent :)

2011-11-22T18:24:00.001+01:00

Ein god Søndag: Ønskedrømmen, rusletur, smil, nyvaska og rydda hus

2011-11-20T21:21:00.001+01:00

Ønskedrømmen

Det har vore ein herleg dag! I går kveld viste tv2 den første episoden av ein ny serie kalla "ønskedrømmen". Eg fekk den ikkje med meg i går, og vart litt nysgjerrig på kva dette var for noko. Så i dag stod eg tidleg opp(i alle fall tidleg i forhold til at det er Søndag) for å få med meg reprisa. Og for ein vakker episode det var. Her kan du sjå eit klipp. Meir enn ein gong må eg innrøme at tårene dukka opp i augekroken, rørt over både ønska og gleden og livsmotet. Og eg vart imponert over programledar-trioen Solveig Kloppen, Øyvind Mund og Carsten Skjelbreid. Utruleg dyktige, proffe og samtidig viste dei oppriktig glede i jobben og gav ønskedrømmarane ein verdig, stor plass i programmet.

Rusletur

Etter å ha starta dagen med eit slikt vakkert program, fann eg ut at eg måtte ta meg ein tur og nyte det fine véret som har vore her i Bergen i dag. Siste dagane har det nemleg plaska ned her, men i dag var det opplett og mildt. Så eg tok meg ein spasertur rundt Store Lungegårdsvann, ned til sentrum, for å kjøpe meg ein kaffi. Eg gjorde ei lita endring på rusleturen i dag. Eg har nemleg fått for vane å høyre på musikk medan eg er ute og går, litt for selskapet sin del, og litt fordi eg berre likar musikk. Og det er veldig kjekt. Men i dag valde eg å la musikken vere avslått, og la omgivelsane "spele" for meg i staden for. Og du, så utruleg godt det var. Ein ser ting litt annleis, når ein lyttar til dei. Ein vert liksom litt meir "ein del" av det. Eg la og meir merke til folk eg passerte på vegen langs vatnet og i sentrum. Og ein ser lettare historier når ein lyttar til det som er rundt ein.

Smil :)

Eg har og øvd meg på å smile. Hehe, ikkje det at eg ikkje smiler til vanleg altså. Men av og til så gjer det godt å smile utan grunn og. Som Ole Brumm seier: "munnen kjennest så mykje betre ut når den vender oppover enn nedover." Når eg er aleine heime prøver eg å gjere det så mykje eg kan, og då er det akkurat som om smilet sprer seg utover heile kroppen, og ein får ei lettare kjensle. Så i dag utfordra eg meg sjølv til å gå aleine på gata og smile. Av og til berre for meg sjølv, av og til til folk eg gjekk forbi. Å smile til ukjende personar syns eg til tider kan vere litt vanskeleg, sidan eg ikkje veit noko om dei. Men kanskje er det difor desto viktigare å gjere det. Kanskje går du forbi nokon som har hatt ein skikkeleg dårlig dag, på jobben, på skulen, heime eller liknande. Og då kan det vere godt å møte eit smil når ein går ut døra. Eg veit i alle fall at for min eigen del at det å bli møtt av eit smil, anten frå ukjende eller kjende, har kunna gjort ein ellers grå dag ti gongar betre. Så her er ei lita oppfordring til alle for neste veke: Smil, det gjer godt for deg óg for andre :)

Nyvaska og rydda hus

Etter den vesle byturen min, gjekk eg heim og fekk over meg ein rydde- og vasketrang uten sidestykke. Så då vart golvet vaska, kleskapet rydda, og bokhylla, tv og alt som samla støv, tørka. Oppvasken vaska opp. Ja, i det heile, det vart ei lita minihaustreingjering.

Og etter ein slik dag gir det ei ekstra god kjensle å sette seg ned i sofaen, med ein varm kopp te og ostesmørbrød.

Med andre ord: Ein god Søndag! :)

2011-11-15T00:01:00.001+01:00

I mangel på interessante ting(og den der inspirasjonen) å oppdatere bloggen med, så får det bli med eit bilete.

Ha ei flott veke :)

2011-11-05T13:43:00.001+01:00

Eg er eit vanemenneske. Eg likar rutinar og eg likar stabilitet. Dette har blant anna innverknad på musikken eg høyrer på, eller rettare sagt, dette har innverknad på musikkvanane mine. Eg kan nemleg høyre på eit album, eller i ekstreme tilfeller, ein enkelt song(og berre den) om og om igjen i periodar over ein dag, ei veke, ein månad. No er eg akkurat ferdig med ein Ingrid Michaelson-periode. Eller ferdig er nok feil ord, eg kjem nok tilbake til ein ny periode med ho snart trur eg. Men eg har oppdaga ein ny song, ein nydeleg melodi, med fantastisk vokal. Så om du vil ha eit musikktips, sjekk ut: "Sombody that I used to know" - Gotey (feat. Kimbra). Ganske stilig musikkvideo óg.

Den produktive studentkvardagen :)

2011-10-21T13:42:00.000+02:00

Når eg er på skulen...

skriv eg alltid mange notatar:

Og så teiknar eg notatar slik...:

og slik:

Eg ser aldri slik ut altså...:

Eg høyrer alltid etter kva læraren seier:

(og så skriv av og til sidemannen til meg kor flink eg er til å notere:)

Og notatane mine er alltid mange og fornuftige:

Tankane vandrar aldri over på andre ting...:

... som kva tanteborna gjer på og slik..:

Og eg tenker aldri på véret:

Eg drøymer meg aldri vekk på skulen eg... ;)

Og eg går alltid heim og les på pensum når eg er ferdig:

Ha ein flott dag :)

Synestesi

2011-10-17T14:11:00.000+02:00

Eg har sjekka litt rundt på nettet om synestesi. Kanskje har du høyrt om det tidlegare?

Her er i alle fall eit lite utdrag av forklaringa eg fann på Wikipedia:

Synestesi (av gresk syn-, «sam-», og aesthesis, «sansning») eller kryssansning er i psykologien betegnelsen på en blanding av ulike typer sansninger hos mennesker. Personer med synestesi kan for eksemepl høre farger, se lyder og smake berøringer. En utbredt form for synestesi er å se bokstaver og tall i farger.

Det meste eg har funne av informasjon om dette, er personar som har skrive på bloggane sine om at dei ser fargar på bokstavar og tal. Altså, ein person med synestesi som seier at bokstaven A er raud, vil alltid oppleve å sjå at bokstaven A er raud, den er aldri blå, eller grøn. Men det er ulikt frå person til person, alt etter korleis dei opplever synestesien. Nokon fortel óg at dei ser ulike fargar når dei tenker på bestemte personar, for eksempel las eg om ei som fortel at syster hennar er lilla og mora raud.

Grunnen til at eg er litt interessert i dette er ikkje fordi eg ser bokstavar og tal i fargar sjølv. Men eg "ser og føler" lydar. Høyrest heilt sært ut, eg veit det! Men det har seg slik at når eg for eksempel les ei bok, ser eg ikkje nødvendigvis bokstavar og ord, setningar og avsnitt. Ofte opplever eg at melodiar og lydar er det som dukkar opp når eg les. Melodiar og lydar som eg ser og føler, men ikkje høyrer med øyret. Det same skjer når eg ser på ting rundt meg. Fjella har til dømes djupe basstonar, medan ein klar, blå himmelen har lette, lyse tonar. Saman vert dei ein vakker og mektig melodi.

Eg veit ikkje om det eg opplever går under synestesi-diagnosen eller om det berre er eit produkt av min eigen fantasi. Men fasinerande var det å lese om likevel, kjende meg igjen mykje av det.

Kanskje har du opplevd noko lignande?

Litt meir interiør :)

2011-10-08T01:30:00.000+02:00

Eg var så godt igang med interiør-blogging for litt sidan, så eg tenkte eg måtte skrive ein oppfølgar no når eg er ferdig med å innrede mitt lille krypinn. Så sidan eit bilete seier meir enn 1000 ord, så vert det ein litt lengre bilde-serie denne gongen - med litt kommentarar undervegs. Og kven veit, kanskje finn du nokre tips innimellom? :)

Slik vart altså skrivekroken sjåande ut til slutt.

På kjøkkenskapa har eg hengt opp dekorative kort, med fine dikt av Ragnhild Bakke Waale(anbefalar på det varmaste å lese dikta hennar - mogeleg det kjem eit innlegg om det seinare...) og "Fotsporene"(Bok & Media). Gode ord å ta med seg når ein lagar mat eller tek oppvasken.

Tips: Sukker og salt er ikkje alltid like praktisk å ha ved sida av kvarandre. Eg fann løysinga ved å merke glasa slik. (Gjekk litt vél berserk med den merkinga av div ting og tang, men dokke skal sleppe å sjå bilete av ti-tjue boksar og boss-bøtta;)

Eg er litt stolt over å ha mi eiga krydderhylle. Føler meg litt voksen som har det. :)

Favorittplass nr 1. :)

Nydelege puter som snille Storesøss Elin, har sydd. Litt på bestilling, mest som innflyttingsgåve. :)

Det er ikkje alltid nødvendig med foto i bilderammene. Her er ei ikea-ramme som eg kjøpte for mange år sidan, dikt-korta fekk eg då eg melde meg inn i Bokklubben. Desse fargane er óg litt utgangspunktet for fargevala mine ellers på hybelen.

Bokhylla er den staden som er mest dekorert i hybelen. Tidlegare stadar eg har budd, har eg hatt ein tendens til å overpynte. Denne gongen har eg prøvd å halde det så enkelt som mogeleg, samtidig som eg har forsøkt å få fram det personlege. Eg trur det er lett å falle i trend-fellene når ein skal innreiie bustaden sin. For min del har eg fokusert på kva eg har hatt av ting frå før og kva som gjennspeglar meg. Gode og vakre minner, óg meir økonomisk, ein vinn-vinn-situasjon rett og slett. :)

Det er forresten ikkje berre ting ein kan bruke som dekor når det kjem til innreiing. For min del er bøker ein stor del i livet mitt, så bøkene har fått sine eigne plassar - sortert etter tema, forfattar eller storleik, eventuelt ein lett miks av dei tre. :)

Ps: Mamma, om du les dette innlegget: Ja, det er faktisk så ryddig! Heile tida! (I alle fall 92,5 % av tida - tørr eg påstå) ;)

Seint i natta

2011-10-04T01:05:00.001+02:00

Seint er det, og litt trøtt er eg, men eg vil ikkje sove! I morgon står nemleg ein tannlegetime først på timeplanen. Og eg er lite lysta på å gå...

Så då vart det litt surfing på youtuben i staden for, der er jo så mange koselege klipp til å muntre opp ei stakkars tannlegeskrekk-jente. Gullars og Flode blant anna =)

Gullars viser korleis ein tek bybanen. Noko eg som nyinnflytta "bergenser" kan sei ikkje er berre berre å begi seg ut på. Følte meg litt slik som Gullars føler i denne filmen, men det enda heldigvis ikkje som med han da. Eg kom meg både på og av utan problem, på riktig stopp og med billetten i boks. ;)

Eit litt eldre klipp frå Gullars si Barne-tv-karriere. Siste tre åra har eg sett mykje på akkurat denne filmen, når saknet etter Bergen by var på sitt sterkaste.

Litt rart er det å tenke på at eg lengta slik etter å flytte hit så lenge, og no sitt eg her plutseleg, på min eigen hybel. Det gir ei god kjensle. :)

Og sist, men ikkje minst, Flode, Trond Viggo og songen "Puss puss så får du en suss".

Lyt vel sei god natt med dette klippet og krysse fingrane for at eg har pussa tennene godt nok siste året og er klar for tannlege-timen i morgon. God natt og sov godt :)

Desert Flower

2011-09-30T23:36:00.000+02:00

Av og til dukkar det opp melodiar som gjer noke med ein. Denne nydelege melodien fann meg då eg kom over filmen med same namn, på Canal+. Så lag deg ein kopp te og len deg tilbake i godstolen, lukk augene og nyt.

Eg er her altså...

2011-09-30T01:16:00.001+02:00

... det er berre ikkje så mykje tid til bloggen.

I dag er det 50 dagar sidan eg flytta til byen. 50 gode dagar, som har gått skremande raskt.

50 dagar fyld med mellom anna interiørkos, studiedagar(og altfor lite lesing..), utruleg mange gode vener, rusling i verdas vakraste by, café-turar, middagsbesøk, kveldsbesøk, møter, fleire koppar capuccino og litervis med te. (ei kort oppdatering på kva som skjer i alle fall.)

Hausten er for meg te-koppens tid, og eg har fått ein fast følgesvenn, nemleg termoskoppen min. Så om du ser ei jente i tjue-åra på bussen, med denne bodum-koppen i handa, er det mest sannsynleg meg.

Så sjølv om det er litt pause-tid her på bloggen så er det ikkje pause-tid i kvardagen. No skal eg ikkje love hyppige oppdateringar likevel, noko eg har ein tendens til å love og ikkje greie å halde. Men plutseleg får eg blogg-ånda over meg igjen. Det er nemleg éi tid for alt;)

Ha ein fargerik haust så lenge, nyt livet!

Litt studentinteriør-tips

2011-08-23T00:29:00.000+02:00

Som nybakt student har eg forstått(eller prøver i alle fall å forstå) at det ein kan spare pengar på kan løne seg. Så i staden for å kjøpe meg ei ny korketavle, fann eg ut at eg skulle teste ut ein ide eg har hatt ei stund. Nemleg ei tavle laga av hønsenetting. Ikkje visste eg at einaste hønsenettingen som var tilgjengeleg her i byen var ein rull på 25 meter på Jernia... Men pappa kom heldigvis til unnsetning, og då han og mamma var kom på besøk i helga tok dei med seg litt netting heimafrå. I går satte eg igang med prosjektet. Litt meir tidkrevande enn eg hadde tenkt var det, men resultatet vart ikkje så verst. I tillegg til hønsenettingen, brukte eg litt silkeband som eg kjøpte på Kremmerhuset for nokre dagar sidan. Og slik vart det til slutt:

Silkebanda fletta eg inn slik, annakvar over og under,
og laga ei litt mjukare ramme i kontrast til ståltråden.

For å gjere den enda litt mjukare i "kantane" avslutta
eg ramma ved å samle begge banda i ei sløyfe.

Bileta festast enkelt ved å sette to av hjørna, som er
på tvers av kvarandre, ned i nettingen slik.

Pynt etter eige ønske.
Eg valde så klart sommarfuglar:)

Dagar med mykje informasjooon...

2011-08-19T00:32:00.001+02:00

Då er studie-startskotet gått av. Eg har blitt student. Omsider seier nokon, skummelt seier eg. Men foreløpig gjeng det bra. Eg har, som nemnd i forrige innlegg, flytta til Bergen. Byen eg har drømt om å bu i sidan eg var 9 år. Her bur eg i tidenes koslegaste loftshybel, med ein nydeleg utsikt over den vakre byen "min", sjå berre på biletet under!

Trur eg skal trivast godt her:)

Studiet eg landa på er Kristendom(KRLE). Foreløpig er det oppstartveke, denne og neste veke, før den vanlege undervisninga tek til. Og som den ferske studenten eg er, så er eg temmeleg forvirra i desse dagar. Lass på lass med informasjon om timeplanar, pensumlister, it's learning, brukarnamn ditt og passord datt, fyller det meste av dagane. Men eg har og hatt litt tid til å treffe igjen gamle kjende, som absolutt har vore høgdepunkta denne veka!:) No i byrjinga vert nok bloggen litt oversett, i og med at eg skal prøve å finne litt ut av denne nye, uvante kvardagen min. Den har jo for så vidt blitt grundig oversett dei siste vekene, noko eg synest er ganske leit... Men etter kvart no, håpar eg på å kome sterkare tilbake. Då kjem det nok litt meir bilete og:)

Ha det fint så lenge =)

Snart nye kvardagar

2011-08-07T15:25:00.001+02:00

Siste to åra har kvardagane mine vore prega av arbeidslivet, første året var det på Vestborg vgs, og sidan i fjor sommar i ulike jobbar her heime i heimbygda. Men no går eg inn i dei siste dagane som vanleg arbeidstakar. I slutten av veka vert det nemleg nok ein gong flytting på meg og tinga mine. Ein studentkvardag er i møte, og eg gru-gler meg. Det er kjipt å skulle reise frå gode vener og familie. Det er trist å skulle slutte i tidenes kjekkaste jobb, der eg har hatt det utruleg fint, og lært utruleg mykje nytt og spanande. Men slik er det, av og til så berre må ein. Og eg gler meg veldig til å ta fatt på eit nytt kapittel i livet, flytte tilbake til Hordaland og byen med STOR B, som eg har sakna så sårt dei siste tre åra. Eg gler meg til å møte igjen gamle kjende, og å bli kjend med nye.

Det er mange kjensler i sving, i desse dagar. Panikk og spenning om kvarandre. Men eg trur det skal gå seg til, sjølv om det vert ein overgang.

No skal dei siste kvardagane her heime, med familie, vener og jobb, nytast til det fulle. Og så får dei nye kvardagane kome etter kvart. Bergen, eg gler meg til å verte kjend med deg og alt du har å by på =)

2011-07-25T16:44:00.000+02:00

Eg har lese - Barnepiken

2011-07-17T21:28:00.002+02:00

bildet er henta frå cdon.no

I helga har eg lese ein roman av Kathryn Stockett, "Barnepiken". Ei utruleg godt skriven bok eg nesten ikkje klarte å legge frå meg.

Uttdrag frå bokomslaget:
Barnepiken beskriver forholdet mellom sorte hushjelper og deres hvite fruer i Sørstatene på første halvdel av 60-tallet. Vi befinner oss i den lille byen Jackson i Mississippi, og møter tre forskjellige kvinner som finner hverandre i felles utfordring av grenser...

Skeeter drøymer om å verte forfatter. Etter å ha sett korleis venninner behandlar hushjelpene sine, finn ho dermed ut at ho vil skrive hushjelpene sine historier. Vise korleis det opplevast for dei å jobbe for Husfruene, oppdra borna deira, lage maten deira og vaske for dei. Samtidig som dei ikkje får lov til å bruke toaletta deira mm. på grunn av "feil" hudfarge. Men på vegen til å greie skrive denne historia møter ho på mange utfordringar. Det er ikkje berre berre å få hushjelpene til å prate. Men ho vert etter kvart kjend med Aibileen og Minny. Aibileen er hushjelpa til ei venninne av Skeeter. Minny er ei venninne av Aibileen. Det er gjennom desse tre historia vert fortalt. Romanen viser både kjærleiken og hatet mellom hushjelpene og husfruene.

Vi er bare mennesker. Det er ikke så mye som skiller oss.

Ikke på langt nær så mye som jeg trodde.

sitat

Til tross for at boka er på litt under 500 sider, så er den utruleg lettlest. Eg for min del vart i alle fall lett reven med av historia, og det vart meir enn ein sein kveld. Romanen er skriven med ein utruleg varme og er både rørande, trist, provoserande og moro. På slutten satt eg igjen med ei kjensle av å verkeleg ha møtt alle desse tre sterke personlegheitene. Kan anbefale den på det varmaste om du likar romanar som rører ved deg.

Seinare i år kjem det ein film basert på boka. Så om du vil sjå litt nærmare på den, kan du sjekke ut traileren her.

Bak skyene...

2011-07-11T01:21:00.001+02:00

...skin alltid sola.

Ein boks gode minner

2011-07-09T01:29:00.002+02:00

Eg har ein boks der eg samlar minner.

Gode minner.

Mest frå dei siste seks åra,

frå då eg byrja på vgs og fram til i dag.

Utruleg rørande å sjå korta, breva, teikningane og
små lappar som har enda i den
i løpet av tida som har gått.

Det er kjekt å ha ein slik boks å kike i.

Blant anna fann eg ein lapp
ei venninne skreiv til meg på vgs.
Den hang på spegelen min heile siste året:)

Tid

2011-07-06T00:58:00.000+02:00

Det er litt skummelt, det der at tida gjeng så fort! Eg trudde eg hadde så god tid. Tid til å forberede meg, tid til å puste inn og seie til meg sjølv: "Dette klarar du, Anne! Ta eit steg om gongen, så går det så bra." Men så oppdaga eg at morgondagen hadde blitt gårsdagen. Og sjølv om eg går i lag med dei og pustar roleg så godt eg kan. Så tikkar det mot sommarslutt og flyttedag... Eg gler meg! Eg gler meg utruleg mykje! Det er ikkje det. Det er berre det at det er litt skummelt, det å kaste seg ut i nye kvardagar, nye tider...

Men heldigvis, det er ganske spanande og! :)

"Tante Anne! Flytt deg!"

2011-07-04T02:16:00.002+02:00

Ho såg på barne-tv og det var visst lite kult å ha tanta, som endeleg hadde fått naboane heim frå syden, svinsande framfor tv'en.

Men i det tanta gjekk ut på gangen, ut av vegen for ivrige tv'sjåarar, kunne ho høyre ei ven barnestemme seie mjukt bak seg:

"Tante Anne... eg har sakna deg óg."

Fem små ord, likevel så ubeskriveleg varmande for eit tantehjarte...

Eg veit ein stad...

2011-07-01T00:46:00.000+02:00

...der sekund får vere timar og timar sekund.

endring ...igjen

2011-06-30T01:22:00.003+02:00

Eg fekk eit anfall av behov for litt forandring, så då vart bloggen eit lett offer... Nye blogginnlegg kjem forhåpentlegvis i løpet av den neste sommarmånaden.